बुद्ध जन्मभूमिबारे फैलिएको भ्रम हटाउने• एनआरएन चीनको अधिवेशन
भारतले गौतम बुद्ध आफ्नो देशमा
जन्मिएको भनेर विभिन्न सञ्चार माध्यमबाट भ्रम फैलाउँदै आएपछि चीनलगायत कैयौं देशमा त्यसको असर परेको छ । बुद्धको जन्मस्थल नेपालको लुम्बिनीमा जन्मेको स्पष्ट हुँदाहुँदै पनि भारतले गलत प्रचार गरिरहेको छ । भारतले अहिले कपिलवस्तुसँग सीमा जोडिएको अलिगढवामा... लुम्बिनीको हुबहु नक्कल गरी नक्कली लुम्बिनी र तिलौराकोट निर्माण गरेको छ ।
बुद्धको जन्मभूमिबारे विश्वभर सही जानकारी प्रवाह गर्नका लागि चीनमा रहेको गैरआवासीय नेपालीहरूले खेल्नसक्ने भूमिकाका बारेमा अधिवेशनले जोड दिनेछ । एक अर्ब ३३ करोड जनसंख्या भएको चीनमा सबैभन्दा बढी बौद्ध धर्मावलम्बी र दोस्रोमा ताओ धर्मावलम्बी छन् । विश्व जनसंख्याको १९ प्रतिशत भाग ओगट्ने चीनमा त्यहाँ बौद्ध दर्शन सबैभन्दा द्रुतगतिमा बढेको छ ।
भारतले बुद्ध आफ्नै देशमा जन्मेको दाबी गर्दै नक्कली लुम्बिनी र तिलौराकोट बनाइरहेको छ । नेपाल सरकारले कुनै प्रतिक्रिया व्यक्त गरेको छैन । अधिवेशनमा छलफल तथा हालसम्म एनआरएन चीनलाई सहयोग गर्दै आएका व्यक्ति तथा संस्थाहरूलाई सम्मान गर्ने कार्यक्रम तय भएको त्यहाँस्थित सहयोगी ध्रुव पौडेलले बताएका छन् ।
आयोजक समितिका संयोजक एवम् एनआरएन-चीनका महासचिव सुन्दर थापाका अनुसार अधिवेशनमा एनआरएनका अध्यक्ष देवमान हिराचन र चीनका लागि नेपाली राजदूत टंकप्रसाद कार्की पनि उपस्थित हुनेछन्
Blogger Comment
Facebook Comment